عيش لفكره

عايز تدوق طعم السعاده بجد

عايز تحس ان حياتك فجأه بقى ليها لون وشكل وطعم

عايز تبقى أنضج وانت بتتعامل مع الظروف اللى بتقابلها وتلاقى نفسك مبتديش حاجه ف الدنيا اكبر من حجمها

يبقى لااااااااااااازم تقرر انك من النهارده.... هتعيش لفكره

أبسطهالك :)

حدد لنفسك هدف .... مش مشكله انه يكون صعب وكبير .... خلّي نفسك تواقه .... وطموحك أعلى من السحاب

خليك واثق في قدراتك....وف عون ربنا قبل كل شيء

مش شرط تيجى معاك من أول ولا تانى ولا تالت ولا حتى عاشر مره

المهم انها تيجى

هدف عظيم ..... اختاره بإتقان .....واكتشف قيمة الحياه بجد وانتى بتسعى ف تحقيقه

لازم تكون على يقين ان ربنا لم يخلقك عبثا....خلقك في احسن صوره وتقويم وميزك بعقل لسه العلم بتطوره دا عاجز عن اكتشاف باقى اسراره

لو لسه محددتش هدفك انت لسه فيها..... بس متأجلش أكتر من كده

لو تأملت سير الناجحين والعظماء هتلاقى حياتهم كانت ناجحه بقدر عظم أهدافهم

أشتغل لفكرتك بثلاث مراحل....الاولى والأهم تحدد فكرتك....التانيه تحط أهداف مرحليه هتساعدك على تحقيق الفكره والهدف الكبير....المرحله الثالته اللى هيا قمة الجبل مرحلة المعركه نحو الهدف الأكبر

ميزه انك تكون صاحب هدف

هيساعدك على كده انك تعود نفسك متعملش حاجه ف حياتك إلا بهدف ونيه....حتى وانت بتروح عن نفسك .... كل حاجه ف الدنيا ينفع يبقى ليها هدف....وكل ما بتحط هدف حتى ولو صغير وتافه وتحققه هتلاقى شعور بالسعاده رائع حصل لك

كمان هتلاقى نفسك مبقتش تهتم لصغائر الأمور وتعقد عليها حياتك لأنك مشغول بأفكار وأهداف أكبر ... فصغائر الأمور يتاخد حجمها الطبيعي ف تفكيرك

سعادتك اللى هتلاقيها بعد ما تحقق هدفك خصوصا لو كان مشوارك ليه صعب ومليان بالعوائق مش هيكون ليها مثيل....وطموحك لأنك تعمل اكتر واكتر هيزيد أضعاف

يلا متضيعش وقتك وابدأ حالا....اكتب هدفك وحطه على حيطتك عشان تشوفه كل شويه

المره الجايه قريب اوى هقلكم ايه هي شروط الهدف ....انتظرونى