اخرررررررس احسنلك

.

مييييييييييية مره اقوللك انك مش نافع....ياابن الحلال دى مش سكتك خالص....انت اخرك بياع فول

اسكت الله يخليك انا مش ناقصك انت كمان

كان لازمتها ايه المشاوير رايح جاى رايح جاى....ال هدف ال....بلا هدف بلا نيله اديك زى مارحت زى ماجيت....الوظيفه اللى طول عمرك كنت بتتمناها خلاص بح

بس انا مش هيأس.....نحاول تانى وتالت ورابع وعاشر....ويا انا يا هيه

يا بنى انت بتضحك على نفسك.....قاعد تدرس اد كده في الكليه ... وتحضر وتذاكر بعدها....ويوم ما جهزت حالك للوظيفه قالولك مفيش.....فوت علينا بكره

ايه يعنى .... يمكن ربنا ليه حكمه م التاخير....ولو اثبتّ انى متميز عن غيري اكيد هتبقى الفرصه ادامى اكبر

تثبت نفسك ...... دا بعد ايه ان شاء الله.....بعد مية سنه ولا ايه .... يا بنى دا اللى قدك اتجوزوا وخلفوا .....اتصرفلك في اى شغلانه ومشي حالك

بس دا حلمى ..... والمجال ده هو الوحيد اللى هقدر اثبت فيه جدارتى

آههههههه....حلوه جدارتى دى.....بس مش بتاكل عيش يا عسل

يا عم بس احاول يمكن انجح

يمكن ؟؟؟.....تتصرف منين دى....وبكام....بكام سنه وصحه

يووووه بقولك احاول.....انا حاسس انى ممكن انجح.....هستعين بربنا وهبذل كل المستطاع

كان غيرك اشطر .... يا بنى انت آخرك بياع فول اسمع الكلام ......هتفشل صدقنى

لا مش هفشل ان شاء الله .....هحاول وهنجح باذن الله .... ومن يتوكل على الله فهو حسبه

بطل بقى الشعاراتــــ ........

।

।

।

।

القصه دى ممكن يبقى ليها نهايتين ::::

.

الاولى :: ان صاحب القصه(الفرد)يستسلم لرسائل الملازم بتاعه (الناقد السلبي ) ويفكه من موضوع الاهداف والطموحات وووووو...ويرضي بالواقع ....عصفور ف اليد خير من عشره ع الشجره

.

التانيه :: ان صاحب القصه يتغلب على الناقد السلبي بتاعه.....ويحاول ويفشل ويحاول ويفشل لحد ما ينجح....ويحقق حلمه ويثبت ذاته فيه

.

انتو تحبذوا اى نهايه ؟؟؟؟؟

.

النهايه الاولى واقعيه.....الناقد السلبي هو المنتصر فيها.....لو نصرته عليك....هيضغط عليك كتير في مواقف تانيه.....وهتبقى مساله التسليم للواقع هى الاساس...والدونيه في الاحلام والطموحات هى اللى هتغلب على حياتك

.

النهايه التانيه ممكن تبدو صعبه.....بس هتكسب فيها 3 حاجات مهمه

اولهم ::: التعلم م الخطا والاستفاده من الفشل

ثانيهم ::: تحقيق حلمك ولو بعد حين

ثالثهم ::: هتنتصر على ناقدك السلبي وتروضه على تحميسك لا تثبيطك

.

القصه دى بتكرر عشرات بل مئات المرات معانا....ودايما بننصر ناقدنا السلبي....اللى هد كل احلامنا وامالنا وطموحاتنا بحجة الواقع والمستحيل وماتحاولش...

.

الناقد ده هو اللى قتل امال ناس في التوبه....وهدم احلام ناس في النجاح....الناقد ده هو اللى يأس الناس من رحمة ربنا ....الناقد ده هو اللى جاب لينا الاحباط والقنوط....ببساطه لانه بيهول كل امر ويحسسك انه مستحيل !! .....

.

مينفعش ولو مرررره واحده...مره واحده ....نغلبه....نجيبله ياس.....نغصب عليه اللى احنا عايزينه مش اللى هو عايزه.....ممكن العمليه تبقى صعبه في الاول .... بس كله بالتدرج والتدريب والاستعانه بربنا

.

يلللللللللللا بقي سلام....ومتنسونيش من صالح دعاؤكم.....وادعولى عشان داخله اتخانق مع الناقد السلبي بتاعى اللى خلانى كنت هقفل المدونه دى.....بس انا قولتله ابداااااا :))))