يــــــــــــــاهلا
।
منورنــــــــــــى كتيـــــــــــــــر
.
.
بعد ما اتكلمنا عن الصحه البدنيه واهميتها وكيفية المحافظه عليها....وازاى هى بتمثل عمود رئيسي في بناء الشخصيه الناجحه هننقل بقى على تانى محور.....وبدون مبالغه ده اهـــــــم المحاور
.
وهو (المحور النفسي
।
خلونى اسخن كده بسؤال زوغير......نفساوياتكم ايش لونها ؟؟؟؟
هااااااا
اممممم متضايق ؟؟؟؟.....مخنوق؟؟؟؟....مكتئب؟؟؟؟ مقفله معاك من كل ناحيه مش كده ؟؟؟؟
.
وبعدين.....زعلان ومنعزل مش كده...؟
।
طيب زعلك وصلك لحل....؟ وهل في امل انك توصل بزعلك وانعزالك ده لحل لمشكلتك؟
.
يووووه متصدعنيش .....اعمل ايه يعنى ؟؟؟؟
الحل::::سمكر نفسوياتك
।
يعــــــــــنى ايه ان شاء الله
انت لم بتبقى عندك عربيه مش بتروح للميكانيكى يسمكرهالك ويظبطهالك
।
اعتبر بقى نفسيتك التعبانه دى زى العربيه البايظه
تقدر تقولى طيب ايه اللى مضايقك وتاعبلك نفسوياتك...؟
।
رزق معين خايف ميجيش؟؟؟؟؟
।
حاجه ممكن تضايقك تتوقع حدوثها.....؟؟؟
।
حد قريب منك ضايقك....؟؟؟؟
।
فشل متكرر.....؟؟؟
।
علاقه تعبانه مع ربنا سبحانه وتعالى....؟
।
وراك مليون حاجه شغلاك..؟؟؟
.
تعالوا ناخد واحده واحده مع بعض نتكلم فيها.....والكلام ليا قبل الكل...
।
******
.
""خايف من عدم مجيء الرزق؟؟؟""
.
طب سمعت الآيه دى::
قال عز وجل : (( وفي السماء رزقكم وما توعدون فورب السماء والأرض , إنه لحق مثل ما أنكم تنطقون )) ( الذاريات : 22-23 )
قال عز وجل : (( وفي السماء رزقكم وما توعدون فورب السماء والأرض , إنه لحق مثل ما أنكم تنطقون )) ( الذاريات : 22-23 )
ربنا بعزته وجلاله وعظمته بيقسم بان رزقك موجود ....جايلك جايلك....طب هل بعد قسم ربنا سبحانه وتعالى محتاج لدليل مطمئن.....
ليه تتعب نفسيتك في حاجه ربنا العظيم تكفللك بها....ومطلبش منك الا اخذ بالاسباب وتوكل....
।
******
।
""خايف من حاجه تتوقع حدوثها في المستقبل ؟؟""
الغيب ده علم ربنا قصره على نفسه تبارك وتعالى.....وكل من يدعى انه يعلم الغيب كاذب....طيب انت متاكد ان اللى خايف منه ده هيحصل.....ولو عياذا بالله حصل ضامن حالتك ساعتها هتبقى عامله ازاى؟؟؟....ياعم سيــــبها على الله
।
******
।
""حد قريب منك ضايقك ؟؟؟""
انا معاك ان اشد الطعان هى التى تاتيك من القريب.....بس لو عرفت خلفية فعله وطلع معذور...سامحه وانسى.....ولو طلع قاصدها وهدفه انه يعمل معاك كده....فبجد ميستاهلش تزعل نفسك عليه....ولحد ما يتبين لك الحق....كبر دماغك
.
******
.
""فشل متكرر ؟؟؟""
تصدقوا اكتشفت حاجه....ان الفشل لا يحبط الا الفاشلين....لكنه بالنسبه للراغبين في النجاح بيبقى بداية النجاح...وفرصه خصبه لزيادة الخبره والاستفادة من الاخطاء...
احذف اولا كلمة فشل دى من قاموسك خااااالص.....الكلمة بمعناها المطلق لاوجود لها من الواقع....وكل تجربه فاشله ف الدنيا ليها جوانب نجاح ولو صغيره...بس ليها...تأمل ولاحظ كده عشان تتاكد....تفائل بالفشل وحوله لنقطة انطلااق في مسيرتك للنجاح...واوعى تقول على نفسك انا فاشل ومفيش فايده فيه
।
****
।
""علاقتك مع ربنا يوم حلو ويوم وحش ؟؟؟""
।
امممم هو بصراحه الموضوع ده كفيل بتدمير النفسيه.....بس هل نحن نجيد البكاء فقط....ولا البكاء لازم يصحبه فعل...؟...يعنى لو نفسيتك تعبانه بسبب طاعه معينه مقصر فيها.....طب ما تجتهد في طاعه تانيه وتعدل بيها الكفه.....واللى بيحصل معاك دا طبيعى ...الايمان يزيد وينقص....بس الحزن والبكاء مش هيزوده....لازم فعل واستعانه قويه بربنا اولا واخرا
.
*******
.
""وراك مليون حاجه شغلاك...؟؟؟.
ببساطه شديده....حل المشكله دى في (نتظيم الوقت)...ايووووون تنظيم الوقت
رتب اولوياتك....وحد لكل حاجه منهم وقتها.....هتلاقيها اترتبت
لكن طول ما هتسيب نفسك للمواقف تسيرك...مره يمين ومره شمال...اكيد هتضيع
====
====
عموما وف النهايه ((عجبا لامر المؤمن ان امره كله له خير...ان اصابته ضراء صبر فكان خيرا له وان اصابته سراء شكر فكان خيرا له...وليس ذلك الا للمؤمن))
।
يعنى اظبط نفسك بالصبر والشكر.....واوعى تسمح لحاجه تتعب نفسيتك....توكل على الله واستعين بيه....احسن ظنك بيه مهما حصل....وتاكد ان الخير مش بعيد ان شاء الله
।
سمكر نفسيتك كويس...زيتها وشحمها ....ممكن تتعب شويه فعلا في تصليحها ....لانها كانت شبه خربانه...بس اكيد النتيجه النهائيه هترضيك....ابتسم للحياة تبتسم لك
فاصل مش قصير.....وسنعود اليكم بعد الامتحانات.....يعنى دا اخر بوست تقريبا لحد مااخلص....سلامات كتييير ومتنسوش اللى اتفقنا عليه...وادعولى
اترككم في حفظ الله ورعايته
10 comments:
السلام عليكم
الاخت الفاضلة جزاكى الله خيرا على طرحك ومعلوماتك الجميلة
وبالنسبة للفشل هو فعلا لا يحبط بالعكس هو نجاح فى حد ذاته
وزى ما قال أديسون لما كانوا بيلوموه ان فشل فى اكتر من 800 محاولة عند اختراع المصباح قالهم انا نجحت فى انى عرفت ان فيه اكتر من 800 محاولة لا تصلح ولم ييأس ونجح بعدها مباشرة
نفع الله بكى
السلام عليكم
جزاكى الله خيرا
حلوه قوى فكرة سمكرة النفساويه دى
بس يا ريت تدلينا على ميكانيكى عنده ضمير .
حلوه الفكره بجد
وان شاء الله تنجحى وتكون نفسيتك فى احسن حال
وفقك الله ودمتى بخير وسعاده
تحياتى
rovy
يااااااااااااه مش عارف المدونه دى كانت تايهه عنى ازاى بجد انا استفدت جدا من مدونه حضرتك
احييى حضرتك على تدويناتك وتصميمك الرائع لها
ايه الكلام الحلووووو ده
انت معقول بتمتحن وبتكتب كلام زى ده
انا بعد ما قريت البوست هودى نفسويتى عند السمكرى يشدهالى شويه
وعند الميكانيكى يظبطهالى و يروقهالى
ألسلام عليكم
جزاكم الله خيرا على على الموضوع
بصى يا فندم
مفيش حاجة اسمها واحد مش عارف يبقى ناجح
و لكن مش عايز يبقى ناحج
زوروا مدونتى بعد التعديلات
و بس
و سلام عليكم
الاخ عمر
جزانا الله واياكم اخى الفاضل
كلام حضرتك تمام
جزيت خيرا على المرور الكريم
اختى روفي
:)
فعلا محتاجين سمكرى تمام....بس لو مفيش نحاول نصلحها من نفسنا يمكن تتصلح
نورتينى
الاخ حسام يحي
يااهلا بحضرتك
جزيت خيرا على المرور الطيب
الاخ اوعى تفكر
لا كان قبل الامتحانات
اي خدمه يا فندم
الاستاذ ادم
كلام تمام
جزيت خيرا على المرور الطيب
Post a Comment