حياة جديدة من فضلك.....

يــــــــــــاهلا

وأنا قاعده أفكر في حال الواحد (انا يعنى) ....مشاكله...همومه....اعباءه...ضغوطه

و السبيل اللى يقدر يخرج بيه من مستنقع الهموم اللى رامى نفسه فيه ده.....وازاى يسيطر على الضغوط والاعباء دي قبل ما تسيطر هي عليه....ازاى يكيف ويطوع حياته مش ينقاد ليها ويستسلم وهى اللى تطوعه....ازاى يحطم قيوده وياخد قراره بانه نوى يصلح حياته ويكون سعيد بكل بساطه.....

لقيت ان الانسان عباره عن كذا جانب....وكل جانب محتاج يتضغط عليه شويه عشان يجمد.....تعبئه شامله يعنى

ساعتها بقى جاتلى حتة فكره انما ايه.........عنب

:)

ولازم اى فكره عشان تنجح ندخلها في دائرة التطبيق العملى الجاد الواقعي....والا تبقى فشلت كفكره

طيب.....ابطل رغي واخش ف الموضوع.....اوووووك.....

لما تذكرت موقف الامام الحبيب ابن القيم - طيب الله ثراه - في مواقف محاسبته لنفسه....ودعاؤه بان يبدله الله نفسا غيرها تكون افضل منها

اللى جيه ف بالي ساعتها ان انا مش عايزه بس نفس جديده...لا دا انا عايزه (انا) جديده.....انا جديده واثقه ف نفسها ....متميزه في العباده والدعوه والثقافه والفكر والموهبه وف سمتها ومظهرها وصحتها واسرتها ومجتمعها واخلاقها ودراستها وشخصيتها عامة...

طب دى اجيبها منيــــــــــــــــــــــــــــــــــن ان شاء الله ؟؟؟؟؟؟؟؟؟؟

قلت يا بت يا حطم القيود ما تقسميهم جانب جانب واعملى خطه زمنيه لتنمية وتطوير كل جانب......وكل ما يتحسن واحد انقلى ع اللى بعده......والنتيجه مش مطلوب تبقى ميه ف الميه.....بس ع الاقل الموضوع يتحسن شويه.....ايــــــــــــون....... دراسة جدول يعنى

:)

فلو قسمنا النواحى المطلوب تحسينها لــ :-

1- الصحه العامه

2- الجانب الاجتماعى

3-( السمت الخارجى ( الشكل والمظهر العام

4- الجانب الفكرى والثقافي

5- الجانب الدعوى

6- الجانب الخلقي

7- جانب العبادة

8-الجانب الاسري

9-(جانب التميز (المواهب

10-الجانب الاكاديمى والتحصيلي...الدراسى

والمجال مفتوح لاضافة مجالات اخرى........نمسك كل فتره جانب نتكلم عنه...ونحطله خطط ومقترحات لتحسينه ونقننه بزمن.....ولما نحس بتحسن نسبي فيه ننقل ع اللى بعده.....

اصل يا جماعه تنمية واصلاح الذات والسعاده قرار......انت اللى بايدك تاخده او تأجله.....

وانا قررت اغير حياتى

مستنيه تعليقاتكم ع الفكره.....انا عن نفسي ان شاء الله هبدا( فورم ) :) بتطبيقها.....بس هتبقى اجمل لو كانت

جماعيه ....من باب التواصي ع الطاعه والتشجيع عليها.....والباب مفتوح للاقتراحات والاضافات

حسسونى كده ان الفكره ييجى منها.....عشان لو لقيت الناس مأزماها معنوياتى هيجيلها احباط على راى تيمون

:)

دعـــــــــــــــــــــــواتكم

يـــــــــــــللا في حفظ الله ورعايته

السلام عليكم ورحمة الله وبركاته