اكســـــــــب صحـــــــــــتك...الحلقة الاولى

:) اخوانى واخواتى.....اصحابي وصحباتى ....هنا ومحلك سر

سلام الله تعالى عليكم ورحمته وبركاته

رجاء قراءة التدوينه السابقه...لان هذه تابعة لها(الحلقة الاولى منها

بعد طرحى للفكره (العنب) :) اللى نالت الحمد لله قبولكم

هنبدأ من النهارده العمل فيها بمشيئة الرحمن

جاهزون للاقلاع....اذن اربطوا الاحزمه

التامل في الواقع بيكشف ان الفرد المتميز في حياته ومواهبه وشخصيته وقدراته وانجازاته ...وعبادته ودعوته...لازم يكون محتاج لجسم قوى يتحمل ....لانه لو ضعيف الجسم هيتعب من اول جوله....ومنضمنلوش الاستمراريه....مهو مش عنده القوه الدافعه المعينه

والمؤمن القوي خير واحب الى الله من المؤمن الضعيف...وفي كل خير

لو تأملنا في حياة الشخصيات المتميزه هنلاقي ربنا حباهم بأجسام قويه عشان تتحمل .... وطبعا القاعده مش عامه

بس لو بصينا على الانبياء والمصلحين على مر التاريخ ...هنلاقي ان قوة البدن كانت سمه مميزه فيهم....وعلى راسهم النبي صلي الله عليه وسلم...زى ما كلنا يعرف من وصفه -بابي هو وامى-...دا غير حثه صلى الله عليه وسلم على طلب العافيه والتداوى...والاحاديث والمأثورات في الباب ده كتيييره ولا مجال لذكرها....تكفينا العبارة الشهيرة "العقل السليم في الجسم السليم

الشــــــاهد....ان صحة الجسم شيء اساسي لابد من توافره في كل صاحب فكره....مينفعش ترضى بجسم ضعيف هزيل....اى حاجه تتعبه....وضعفه بيكون عائق وقيد بيشل حركته....ازاى هتحطم قيودك وانت مش قادر حتى تصلب طولك....يا عم قيود مين اللى هحطمها....انا فيا نفس

:)

طيب انا بايدي ايـــــه اعمله ؟؟؟

-1

اولا : لو في حاجه تعباك متتأخرش في علاجها....بادر بالفحص واتعالج....والتزم بتعليمات طبيبك وامرك لله....عايزين نخلى الدكاتره يهيصوا الاسبوع ده...لا متفرحوش اوى كده...ان شاء الله مش هنروح عندكم بعد كده تانى غير للمتابعه :p

- 2

لو عند عاده غير سليمه صحيا....بتشرب منبهات كتير ...او بتسهر كتير....بتاكل من الباعه الجائلين :).....يبقى لازم توقف ده فورااا

- 3

اول ما سيادتك تصحى الصبح مفيش مانع لو اتنازلت وفضيت من وقتك خمس دقائق تمارين بسيطه....ولو حتى زى تمارين طابور المدرسه بتاع زمان....وكل شويه تدرج قوتها ووقتها....خليها عاده واحرص عليها مهما تكون الظروف وياسلام بقى لو في الهواء الطلق....بعد الفجر....حتى لو ف البلكونه....بس اتاكدوا ان مفيش حد صاحى هيبص عليكم

- 4

احرص على ان طعامك يكون صحى....نظيف ( مش رئيس الوزراء ) ....جيد الاعداد...وفي اوقات منتظمه....مش

بالساعات يعنى...رغم ان دا علميا افضل....مقنن بلا اسراف....كده يعنى

- 5

اوعى تستسلم لأى عائق يعترض حياتك....ويخليك مكتئب رافض تاكل وتشرب وتهمل في صحتك....بجد بجد...مفيش حاجه مستاهله....والحياه ياما فيها.....حزنك وضيقك هيخسرك صحتك ومش هيعود عليك باي منفعه....متستسلمش

*.*.*.*.*.*.*.*.*

خلى الاسبوع ده لصحتك بس......ومش معنى كده ان احنا هنبطل بعده.....احنا هنضيف ليه الجانب اللى

بعده....استعن بالله ولا تعجز.....وحطم قيد الضعف ...انت هتبقى قدوه....وقدامك تحديات....اشحن بطاريتك واستعد بعدها للانطلاق....وورونا الهمه ياشباب

ودعواتكم معايا عشان اكتشفت ان امتحاناتى كمان 3اسابيع :( ......ازااااى.....وامتى....معرفش

الله المستعان .....جزيتم الجنه