احنا دلوقتى على الطريق مش كده ......
طريق تحقيق الذات وتطوير الشخصيه.....اييييه نسيتوا ولا ايييييه.....
اى طريق جديد بتدخله اكيد مش بتبقى عارف عقباته ولا عندك خلفيه عنها....
ودا ممكن يكون سبب في تعسرك.....بس لو استسلمت وانت في بدايته يبقى مش هتكمل
لكن لو مسكت مصباحك ونورت بيه الطريق هتقدر تشوف العقبات والاشواك وتتلافاها
وطالما عندك خلفيه ان النجاح والتطور مش هييجى بين يوم وليله....وطريقه مش مفروش بالورد...يبقى لازم تمهد لنفسك انك هتواجه عثرات.....ولازم تتخطاها بسلام ومتخليهاش تحول دون تحقيقك حلمك
شارون عارفينه؟؟؟؟ شاروووون نسيتوه ولا ايه....اليهودى اللعين.....رغم انه لا يستحق الذكر الا انه كان بيعمل حاجه للاسف خطيره
كان بيقعد مع نفسه يوميا مش اقل من 17او 12ساعه يخطط فيهم لبناء واقامة الدولة الصهيونيه
شفت ازاى......هاااا بقى .....انت بقى بتخطط لحياتك كام ساعه في اليوم ؟؟؟
يااااااه ايه الابتسامه العريضه دى :) ......طيب طيب ....مش مشكله ....احنا قلنا هنبدا من جديد
لان اللى مش هيخطط لحياته هيدخل ضمن مخططات الاخرين.....بكل بساطه
*سفينة النجاة*
عشان تتخطى العقبات اللى هتواجهك في طريقك الجديد زى ما قلنا لازم تاخد خلفيه من ناس خاضوا الطريق ده ونجحوا فيه علشان يوضحولك ايه اللى قابلهم وازاى تخطوه.....
استعن اثناء سيرك بذكر الله.......آآآه طبعا ذكر الله
لاحول ولا قوة الا بالله ....
حسبي الله ونعم الوكيل .....
...الله المستعان...
الله اكبر...
لا اله الا الله .....
استغفر الله .....
اللهم لك الحمد .....
ياااااارب ....
خليهم دايما على لسانك......هيطمنوا قلبك ......وهيعينوك على اللى هتواجهه....وهيسهلولك كل صعب
للذكر فعل عجيب والله....والواقع خير شاهد.....وانتم اعلم بكده منى...لان كل واحد اكيد ليه تجربته مع ربنا سبحانه وتعالى.....لما جاله الفرج بعد طول كرب بسبب استعانته بملك الملوك جل في علاه
*همة نمله*
كائن عجيب سبحان المبدع.....بتواجه كمية عقبات اثناء عملها.....ومع ذلك قمه في الثبات والمثابره والمجاهده....بتفضل تحاول وتشتغل ومفيش حاجه توقفها الا انها تموت.....
!!عيب قوى تبقى همتنا اقل من النمله.....نقع ونستسلم مع اول عقبه!!
اااااه واحد يقوللى النمله لما بتيجى تشتغل مفيش نمل بيتريق عليها وبيترصد لها على الاخطاء وحاططها في دماغه
اقولك ان اللى بيحدف عليك طوبه بدل ما تقعد تعيط من المها وتجرى وتهرب....افتكر ان الطوب ده هيكونلك جبل هتصعد عليه وتكون اعلى من الكل.....اللى هينتقدك اثبتله العكس بكل بساطه....وخلى ضربته اللى ما موتتكش تقويك.....وخلى شعارك........قل موتوا بغيظكم :p
********
ملحوظه زغيوره اخيره
احنا لسه مستمرين في اسبوع " اكسب صحتك ".....وعايزه اطمن الشعب المصرى صحته عامله ايه :)
احنا شعب حديدى والله....مياه ملوثه واطعمه فاسده وهواء ملوث وادويه فاسده....وعايشين بفضل الله زى الفل
انا حاسه انهم لو حسنوا الاكل والميه ممكن نعيا بجد....احنا مش واخدين على كده :)
*********
:( يللا بقى سلام دلوقتى......ونكمل بعدين.....دعواتكم معايا الله يكرمكم عشان اتخطى عقبة الامتحان...
دمتم بكل ود في امان الله ورعايته وحفظه
10 comments:
لوووووووووووووووووولى
أول تعليق ؟؟
بجد ؟؟
طب الحمد لله
طبعاااا لزما كل واحد ميقعشى من اول مرة
أنتى فكرتينى بقصة بحكاية الطوب دى
الى كان فيه واحد وقعد فى حفرة .. واحد جاء قاله الى انتا خلالاص أنتهيت
فقاعد يرمى عليه حصى وطوب علشان يردم عليه
بس الراجل الى فى الحفرة دا ... أخذ الطوب وقعد يحطه تحت رجله لغاية لما اترفع لفوق وأجتاز الحفرة
جميل أوى البوست دا
وطبعاااا لزما سفينه النجاة نركبها ... أحسن تفوتنا
وربنا يوفقك فى الإمتحانات
أخووكى
أوكي ..بصراحة ما بين كل الكلام الجامد ده...كل اللي اقدر أقوله....ان الواحد كتير اوي بيتمنى يغير حجات كتيييييييييييير اوي في حياته...وساعتها بس بيكتشف ان الموضوع صعب جدا....
اول زيارة ليا...تقبلي مروروي
السلام عليكم ورحمه الله وبركاته
يقول النبى صلى الله عليه وسلم
انما العلم بالتعلم والحلم بالتحلم والصبر بالتصبر
كل انسان يستطيع ان يغير نفسه للافضل اذا قويت همته
جزاكى الله خيرا على الموضوع وجعله الله فى ميزان حسناتك
مدونة جميلة واعدة وأظن من أسمها أنك تجعليها دعوة للحياة في طاعة الله
وهذا شئ جميل .. استمري وفقك الله
لي بوست في مدونتي بعنوان الحياة أجمل بطاعة الله .. أدعوكي لقراءته
دعواتي بالتوفيق
said
مدونتك رائعة
اخويا الاخوانجى
حلوه اوى القصه دى
ربنا يوفقنا واياكم ان شاء الله
اختى دواير
لا ان شاء الله مش صعب ولا حاجه
"ومن يتهيب صعود الجبال يعش ابد الدهر بين الحفرط
احمد شوقى
سعيده جدا بزيارتك....تحياتى
اخى السلفى الاخوانى
فعلا والله
واياكم ان شاء الله يا فندم
شاكره لمروركم الكريم
اخى جنى
اسم جميل...ربنا يرزقنا الحياه في طاعته
انا قرات البوست بتاع حضرتك
جزيت الجنه
اخى "ياابت انى رايت"
جزاكم الله خير
Post a Comment