كن صاحب فكره وهدف

.

كان ياما كان....ياسادة يا كرام....ما يحلى الكلام الا بذكر النبي عليه الصلاة والسلام.....

.

كان فيه راجل اسمه (عادى )....كان ( عادى) بيصحى كل يوم (عادى ) يفطر ويروح شغله (عادى) ....يرجع من شغله (عادى).....يصحى يعمل اى حاجه( عاديه).....لحد ما ييجى الليل....يتعشي وينام عشان يصحى ويروح شغله .....وف يوم قرر (عادى) انه يتجوز واحده ( عاديه)....طب ليه يا عم (عادى)....ابدا عشان كل الناس لازم تتجوز (عادى يعنى).....اتجوز عم (عادى) و ربنا رزقه بطفل....رباه (عادى)(عادى)زى ما الناس بتربي عيالها

كبر (عادى)...والعمر عدى عليه (عادى)....ومات موته (عاديه)....

وانتهت حياة (عادى)بصوره (عاديه)

।

.

هااااا.......ايه رايكم في الحدوته....حلوه ولا ملتوته؟؟؟؟

ياترى دى ممكن تكون قصة حياة واحد فينا...ولا كلنا نماذج متكرره من (عادى).....

؟؟؟؟؟؟؟

।

.

اسالك كام سؤال .....

।

.

تقدر في يوم تخرج من بيتك وانت مش عارف هتروح فين....؟

طيب لو فرضنا انك خرجت من بيتك ومش محدد المكان اللى ناوى تروحه....هل مشيك هيبقى منظم...؟

طيب لو افترضنا انك نظمت مشيك هل تضمن انك ما تتوهش....؟

.

دا بالظبط نفس حال اللى ماشي في حياته بلا هدف.....سايب نفسه للموج يجيبه زى ما يجيبه....وللاسف نهايته اكيد هتبقى زى نهاية عادى

।

.

اسمع معايا الحديث ده وحاول تتامل فيه كويس....

يقول رسول الله صلى الله عليه وسلم

لن تزول قدما عبد يوم القيامة حتى يُسأل عن أربع: عن عمره فيم أفناه، وعن شبابه فيم أبلاه، وعن ماله من أين

اكتسبه وفيم أنفقه، وعن علمه ماذا عَمِل به" [الترمذي]

.

انا لو سالتك كم عمرك.....جاوب

.

طيب عملت ايه طول السنين دى......وايه اللى ناوى تعمله في سنينك القادمه؟؟؟؟

.

سؤال مؤلم مش كده......خلاص زى مااتفقنا هنبدأ صفحه جديده.....

.

خلى ليك هدف وغايه وطموح تعيش علشانه....تضحى وتبذل كل جهدك لتحقيقه.....حلم يشغل بالك ليل ونهار....

.

حدد بالظبط ايه اللى نفسك تحققه .... والله يخليك متقولش مفيش حاجه ناوى احققها....مينفعش.....الانسان طول ما هو عايش وبيتقدم بعمره بتظهر له حاجات جديده.....لازم يحطلها اهداف عشان يحققها.....ولازم تبقى اهدافك كشخصيه ناجحه مغيره حياتها التقليديه تبقى اهداف ضخمه....الامر هين ان شاء الله....كبروها تكبر صغروها تصغر

ومن يتهيب صعود الجبال.....يعش ابد الدهر بين الحفر

।

.

ولازم لما تيجى تحط هدف ليك تراعى الشروط دى :: :

.

1-أن يكون محدداً

2- يمكن قياس نجاحه

3-أن يكون الهدف قابلا للتحقيق

4- أن يكون له سبب(اشمعنى ده بالذات)

5-أن يكون محدداً بزمن

6- مراعاة إمكاناتك و قدراتك عند وضعه

7- تحديد الأولويات

8- اربط جميع أهدافك صغيرها و كبيرها بالآخرة .
9- ضع خطة لبلوغ أهدافك :

।

.

ودرب نفسك ان اى حاجه بتعملها ف حياتك تكون مرتبطه بهدف......عشان تتعود على كده....وياااسلام لو ربطت اهدافك بالاخره....يعنى نفسي انجح واتفوق ارضاء لربنا سبحانه وتعالى...برا بوالدي....اقدم صوره يمكن الاقتداء بها

للملتزم....دعوه الى الله...الخ

.

ااموضوع محتاج استفاضه اكتر من كده....بس زنقة الامتحانات بقى....ربنا ما يرميكم ف ضيقه ابدا....

.

-------------

.

في الحلقه القادمه ان شاء الله هنتكلم عن كيفية تغيير الجانب النفسي للافضل....وازاى ننقى شوائب النفس دى....وقتل ناقدها السلبي....

।

.

انتظرونى......وادعولى كتيييييير

دمتم بود في حفظ الله ورعايته